Rusizi: Umugabo n’umugore biteje imbere babikesha kudoda inkweto

2

 

Abashakanye bo mu murenge wa giheke mu karerere ka rusizi baravuga ko kudoda inkweto byabakuye mu buzima bubi barimo.

Ndagijimana Theofile  washanye na Nyiransabimana  Vareriya  bavuga ko bihangiye umurimo wo kudoda inkweto nyuma yaho ibyo bakoraga byo kwikorera imizigo byabavunaga kandi ntibibahe umusaruro ro dore ko n’amafaranga bakuragamo bayivuzagamo imvune bakuraga mu kwikorera imizigo.

Nyuma yo kubona ko akazi ko kudoda inkweto kari kumuha amafaranga yisumbuyeho kurusha ayo yakuraga mu kazi kubwikorezi, Ndagijimana yatangiye kwigisha umugore we Nyiransabimana Vareriya kudoda inkweto ubu bombi bicara ku muhanda kugatebe bakadodera abahisi n’abagenzi inkweto.

Ndagijimana yagize ati”Nukuri ntacyo twanenga uyu mwuga wacu kuko ntacyo twakwifuza mu buzima bwacu buciriritse ngo tukibure kabone nubwo naba ndahari umugore wajye yatunga urugo rwacu kubera uyu mwuga.”

ubu bafite abana 2 bakaba bafite n’inzu baguze ibihumbi Magana ane mu cyaro ndetse n’amatungo magufi arimo ingurube , ihene n’inkoko   bakaba barabikuye mu mwuga wo kudoda inkweto bamazemo imyaka irindwi.

Uyu mwuga wo kudoda inkweto bawukuramo ibihumbi bitanu ku munsi  mu gihe mu kwikorera imizigo batarenzaga ibihumbi bitatu bombi kandi bavunitse .

Yagize ati”iyo ukoze umwuga uwariwo wose uwitayeho uguteza imbere,abasuzugura akazi nkora nuko batazi agaciro kamfitiye”

 Nyiransabimana asaba abagore bagenzi  be kudaharira abagabo imirimo kuko aribyo bituma basigara inyuma  kandi bagakora umwuga bakunda kandi wabateza imbere  kuko iyo yicaranye n’umugabo we badoda ngo aba yumva ari ishema kuri we.

Gicumbi – Yatejwe imbere no gukora imigati mu bijumba

Ibijumba bya Nyaruruka biba binini cyanekandi bikera vuba

Ibijumba bya Nyaruruka biba binini cyanekandi bikera vuba

Ngendahayo n’umugorewe berekana uburyo bakora imigati mu bijumba

Ngendahayo n’umugorewe berekana uburyo bakora imigati mu bijumba

Ngendahayo utuye mu murenge wa Bwisijye abasha kwinjiza ibihumbi 30 ku munsi abikuye mu migati akora mu bijumba.

Nk’uko yabitangaje tariki ya 24/8/2015, igitekerezo cyo gukora iyi migati yo mu bijumba avuga ko mu mwaka wa 2005 yaguze imigozi y’ibijumba yitwa “nyaruka” mu imurikagurisha ryaberaga i Kigali n’ikigo cy’igihugu gishinzwe ubuhinzi RAB.

Nyuma yaje kuyihinga maze itangira kwera ibijumba binini nawe atangira kubibyaza umusaruro abikoramo imigati.

Uburyo akoramo iyi migati ngo afata ibijumba akabihata neza nyuma akabikatamo udupande duto duto, agasukamo vinegere kugirango bishiremo amakakama ndetse n’isukari.

Nyuma afata bya bijumba akabyanika byamara kuma akabishesha akavanga n’ifarini nkeya hanyuma agateka imigati.

Kuri we asanga bimaze kumuteza imbere kuko ubu bucuruzi abufatanyije n’umugore we Mukandayisenga Frolence akabasha gucuruza amafaranga angana n’ibihumbi 30 ku munsi ndetse iyo byagenze neza yabonye abaguzi aka ashobora kuyarenza.

Umugati umwe awugurisha amafaranga 500 ariko arateganya gushaka imashini izajya imufasha no gukora imigati mito ku buryo uwashaka uwamafaranga make yawubona.

Ibyo amze kugeraho harimo kubaka inzu yo kubamo n’ubworozi bwa kijyambere, akaba anateganya kuzagura ibikorwa by’ubucuruzi bw’iyi migati akura mu bijumba.

Umugati umwe awugurisha amafaranga 500

Umugati umwe awugurisha amafaranga 500

Mu rwego rwo gushishikariza abandi baturage kwiteza imbere binyuze muri ubu bucuruzi yabahaye iyi migozi yitwa “Nyaruka” kuko yerera amezi 3 gusa kugirango bayihinge nabo babone umusaruro w’ibyo bijumba.

Umukozi w’akarere ka Gicumbi ufite mu nshingano ze urubyiruko Rwirangira Diodore atangaza ko ibikorwa by’uyu muryango byo kwihangira imirimo babishimye ubu baka barabakanguriye kugana ibigo by’imari ngo bake inguzanyo kugirango babahe amafaranga bagure ubucuruzi bwabo.

Kuba babarirwa mu rubyiruko n’indi ntambwe nziza kandi bikaba inyungu kuri bo zo kubona inguzanyo mu kigega BDF mu buryo bworoshye kimwe nk’urundi rubyiruko.

Rusizi: Abacuruza mu madorari bateza igihombo ababigize umwuga

Abakora akazi ko kuvunja amafaranga y’amadovizi mu karere ka Rusizi ntibavuga rumwe n’abacuruzi bagurisha ibicuruzwa mu madorari kuko bibateza igihombo

Abo bavunjayi bavuga ko babangamiwe cyane n’abacuruzi basigaye bacuruza mu mafaranga y’abanyamahanga kandi batabifitiye uburenganzira.

Habyarimana Martin ni umuyobozi w’abavunjayi mu turere twa Rusizi na Nyamasheke avuga ko iyo abanyamahanga baje kugura ikinturunaka baza bari kukibaza mu madorari abacuruzi nabo bakakibagurisha mu ma dorari

Ibyo ahanini biterwa nuko aka karere gaturanye n’igihugu cya Congo kinshyasa gikoresha cyane amafaranga y’amadorari ndetse n’amacongomani

Habyarimana akomeza kuvuga ko ibyo bituma abavunjayi bahomba ababikora mu buryo butemewe bakunguka kuko babangikanya imirimo ibiri uwo kuvunja amadovisi batabisorera nuwo gucuruza ibicuruzwa byabo mu madovizi, ni mugihe abavujyayi bemewe bo babisorera

Uyu muyobozi  akomeza kuvuga ko ibyo abacuruzi bomuri aka karere bako ra bihabanye n’amategeko agenga ubucuruzi kuko ushaka gucuruza amafaranga y’abanyamahanga abisabira uburenganzira muri Banki nkuru y’u Rwanda

Habyarimana Martin avuga kandi ko basigaye bahomba cyane kubera ko abacuruzi bose basigaye barafashe gahunda yo kudahakanira abakiriya bose baje babazaniye amafaranga y’abanyamahanga yaba amacongomani cyangwa amadorari

Ngirinshuti Jean Pierre umwe mubakora umwuga wo kumvuja amafaranga we avuga ko hari abacuruzi bavanga bizinesi aho abatari bake ngo basigaye bafite imitamenywa mu maduka yabo bakavunja amafaranga y’amanyamahanga banacuruza ibicuruzwa byabo ayobabonye yose bakayashyira  mu mitamenywa bafite aha nawe akaba avuga ko babihomberamo cyane

Ngirisnhiti akomeza kuvuga icyihishe inyuma y’uko kumvunja ari inyungu abacuruzi babibonamo kuko iyo ucuruza mu madorari ariko unagenda wunguka kuko iyo amaze kugwira bayajyana I kigali kuyavunjisha bigatuma bunguka cyane

Yagize ati”Guca ingeso y’abavujya amadovizi mu mabutiki yabo cyangwa abacuruza mu isoko ntibyoroshye kubera ko ababikora banga guheba inyungu babikuramo bagakomeza kubikora rwihishwa”.

Bamwe mu bacuruzi bakorera mu mujyi wa akarere ka Rusizi bakomeye barimo uwitwa Kazungu uvugwaho ubwo bucuruzi abuhakana yivuye inyuma avuga ko atabikora usibye ko ngo nawe abyumva gutyo , akomeza kuvuga ko impamvu atabikora ngo azi neza ko ari ugutesha amafaranga y’u Rwanda agaciro kandi ko ngo babibujijwe

Kazungu yagize ati” Ibyo bintu abayobozi barabitubujije cyane batubwira ko uzabifatirwamo azabihanirwa sinakora ibibujijwe n’amategeko kuko biba binganisha mu gihombo”

Twabonye kandi abacongomani kazi bari guhaha batanze amafaranga y’amacongomani uwo bahahiraga witwa  Ngabonziza Felix yavuze ko iyo umukongomani aje ashaka kugura mumafaranga y’iwabo cyanga amadorari ngo ntakibazo

Yagize ati”iyo umucongomani aje akambaza uko ikiro cy’ibirayi kigura mubwira mu madorari kuko ariyo baba bafite iyo musubijeyo mbihomberamo kuko ahita ajya kugurira abandi urumva rero sinakwitesha umukiriya”.

Gusa abakora ubwo bucuruzi ku ruhande rw’ U Rwanda bose bavuga ko ntayindi nyungu baba bagamije kugeraho kuko iyo bacuruza mu madorari cyangwa amakongomani ngo babikora Nkuko bacuruza no mu manyarwanda

Aba banyekongo barimo Bahati Mwavita bavuga ko hari abanyarwanda banga ko babahahira mu manyarwanda cyane cyane abacuruza indagara n’imyenda ndetse n’ibindi kubera ko ngo baba bafite amadorari bigatuma batajya kwirirwa bavunjisha

Bahati yagize ati”Duhaha mu madorari kuko kuko ariyo tumenyereye gukoresha iwacu iyo mu rwanda bayakiriye ntagihombo tubibonamo kuko tuba twabibaze , gusa ntitwari tuzi ko ari amakosa kugura ibicuruzwa byo mu Rwanda mu dovizi kuko iwacu dukoresha amadorari”.

Uhagarariye Banki nkuru y’U Rwanda BNR ishami rya Rusizi Rurangwa Jean Marie Vianne avuga ko kuba hari abagurisha ibicuruzwa byabo mu mafaranga y’abanyamahanga bitemewe kuko hari n’amategeko abihana kuko bigira ingaruka nyinshi kubukungu bw’igihugu

Rurangwa akomeza kuvuga ko ifaranga ry’U Rwanda ariryo ryonyine rikoreshwa mu guhaha , zimwe mu ngaruka agaragaza ni uko ababikora baba banyereza u musoro mugihe ababikora mu buryo bwemewe bo basora , ikindi kandi ngo bituma ifaranga ry’u Rwanda rita agaciro

Yagize ati ”iyo abantu batangiye kwizera cyane ifaranga ry’amahanga bakagurisha ibicuruzwa byabo mu madorari bituma icyizere abanyarwanda bafitiye ifaranga ryabo kigenda gishira amafaranga yabo agatangira gusuzugurwa n’ababonetse bose”

Rurangwa akomeza kuvuga abemerewe gukoresha amafaranga y’amadovizi ari ababifitiye uburenganzira bakorera mu mabiro aha akaba avuga ko icyo kibazo cyatangiye guhagurukirwa aho ubuyobozi bw’akarere bwakoranye inama na BNR kugirango icyo kibazo gishakirwe umuti

Ingingo 188 yo mu igazeti ya Leta yo ku wa 14 Kamena 2012 ivuga ko umuntu wese kuburyo ubwaribwo bwose ucuruza cyangwa uvunja amafaranga y’ u Rwanda cyangwa amadovizi mu buryo bunyuranyije n’amategeko

Ahanishwa igifungo kuva ku mezi atandatu ku geza ku myaka ibiri n’ihazabu y’amafaranga y’U Rwanda kuva ku bihumbi magana abiri kugeza kuri miriyoni eshatu cyangwa kimwe gusa muri ibyo bihano

Ubwo Minisitiri w’ubucuruzi n’inganda Kanimba Fracois ku wa  17 Kanama  yari ari muri aka karere kigali today yamubajije n’imba icyo kibazo ntangaruka gifite ku bukungu bw’igihugu avuga ko zihari nyinshi

Zimwe muri izo ngaruka ni uguhombya abacuruza amafaranga ,aha kandi yavuze ko ntako batagize bashaka ko icyo kibazo cyakemuka ariko ngo byarananiranye icyakora ngo baracyakomeje kugishakira ingamba kugirango kirangire

Ubwo bucuruzi butuma amafaranga y’u Rwanda ata agaciro ahanini usanga buherereye ku mimpaka y’ U Rwanda na Repuburika iharanira Demokarasi ya Congo cyane cyane mu karere ka Rusizi na Rubavu

Ahandi kuyi ndi mipaka nko ku mupaka wa Kanyaru uhuza u Rwanda n’u Burundi ndetse no kuyindi ngo babanza kunyura kubavunjayi babyemerewe

Ni muri urwo rwego abavunjayi bo mu karere ka Rusizi basa abarebwa n’icyo kibazo kugikemura kuko kibangamira ubukungu bw’igihugu ndetse kigateza igihombo kuri bo.

Gicumbi – Kwizihiza umunsi wurubyiruko hamuritse ibyo rwagezeho

Umuyobozi w’akarere ka Gicumbi asura ibikorwa urubyiruko rumaze kugeraho

Umuyobozi w’akarere ka Gicumbi asura ibikorwa urubyiruko rumaze kugeraho

Mu kwizihiza umunsi wahariwe urubyiruko mu karere ka Gicumbi tariki ya 22/8/2015 urubyiruko rwamuritse ibyagezweho runakangurira abandi kwihangira imirimo

Ntawiganza Athanase hamwe n’urundi rubyiruko rwo mu murenge wa Shangasha bihangiye umurimo wo gukora inkweto ndetse bagasana n’izangiritse avuga ko byabakuye mu bukene ubu babasha kubona amafaranga abafasha mu buzima bwabo bwa buri munsi.

Umuguro w’inkweto z’umuntu mukuru bazikorera amafaranga ibihumbi 5000, aho yemeza ko iyo ibihe byagenze neza bashobora gucuruza bakabona amafaranga asaga ibihumbi 100 mu kwezi kumwe.

Urubyiruko rwamuritse ibikorwa byagezeho

Urubyiruko rwamuritse ibikorwa byagezeho

Urundi rubyiruko rwibumbiye muri koperative Umurava ikorera mu murenge wa Byumba ruvuga ko kwibumbira hamwe nk’urubyiruko byatumye babasha kubona inguzanyo muri banki bagura ibikorwa byabo.

Bimwe mu bikorwa bakora harimo ubudozi no gukora imitako, inigi, n’imirimbo yo kumaboko babikoze mu mpapuro.

Uru rubyiruko rwageneye urundi rubyiruko ubutumwa bwo kubereka ko gukora bituma umuntu atera imbere by’akarusho bagakora bibumbiye hamwe kuko aribwo batizanya imbaraga bagafashanya kugera kuri byinshi bikanabafasha kubona inguzanyo muri banki.

Urubyiruko rwari rwabukereye

Urubyiruko rwari rwabukereye

Umuyobozi w’akarere ka Gicumbi Mvuyekure Alexandre yashimye ibikorwa by’indashyikirwa by’uru rubyiruko ndetse anarusaba gukomeza gukora rukiteza imbere.

Ati “ Rubyiruko ibikorwa byanyu n’indashyikirwa mu maze gutera imbere twese turabibona mukomereze aho”.

Aha yaboneyeho kubashishikariza kwishyira hamwe nk’urubyiruko rugaterwa inkunga binyuze muri gahunda zitandukanye reta yabashyiriyeho zirimo gahunda ya kora wigire ndetse na gahunda yo gukorana n’ikigega BDF gitera inkunga urubyiruko kikanababera umwishingizi mu kubona inguzanyo muri banki ndetse ikanabafasha kwishura inguzanyo ya banki.

Yabasabye kutitesha amahirwe bafite kugirango bazayakoreshe bihangira imirimo bityo biteze imbere maze basezere ubukene.

Gicumbi – Gukora cyane, ni imwe mu mpamvu abikorera basanga bagomba gukomeza kuyoborwa na perezida Kagame

Depite Gatabazi hamwe na mugenzi we niyonsenga Theodomile nibo baganiraga n’abikorera

Depite Gatabazi hamwe na mugenzi we niyonsenga Theodomile nibo baganiraga n’abikorera

 Abahagrariye abikorera basabye abadepite guhindura ingingo yi 101


Abahagrariye abikorera basabye abadepite guhindura ingingo yi 101

Abahagariye abikorera bo mu karere ka Gicumbi basabye intumwa za rubanda guhindura ingingo yi 101 perezida Kagame akongera kwiyamamaza akayobora abanyarwanda kuko bamutezeho ibindi byiza agomba kubagezaho mu cyerekezo 2020 yabasezeranyije.

Ibi babitangaje tariki ya 2/8/2015 ubwo barimo baganira n’intumwa za rubanda depite Gatabazi JMV hamwe na Niyonsenga Theodomile ngo bumve icyo bavuga mu kuvugurura itegeko nshinga mu ngingo yayo y’i 101 yemerera umukuru w’igihugu kutarenza manda 2.

Abiyingoma John ahagarariye abikorera mu murenge wa Nyankenke yabwiye abadepite ko mu byiza bakesha perezida Paul Kagame harimo nuko yabigishije gukora amasaha 24 kuri 24.

Yavuze ko mbere bacuruzaga bakaba bafunze imiryango sa kumi n’ebyiri z’umugoroba ariko ubu bakaba babasha gukorera amafaranga atubutse babikesha gahunda Perezida Kagame yabazaniye yo kubareka bagakora amasaha yose ndetse anabacungiye umutekano.

Uku gukora igihe kinini babishingira ku mutekano u Rwanda rufite kuko badafite umutekano batabasha gukora.

Mujawabera Gaudence yabwiye abadepite ko bagmba guhindura ingingo yi 101 bakongera kwitorera perezida Kagame

Mujawabera Gaudence yabwiye abadepite ko bagmba guhindura ingingo yi 101 bakongera kwitorera perezida Kagame

Perezida kgame yasabiwe indi manda kuko yahaye ijambo abagore bakibona mu nzego z’ubuyobozi bityo nabo bakabasha gufata ibyemezo nk’uko Mujawabera Gaudence yabibwiye abadepite.

“Nta mpamvu tutamutora yaduhaye ijambo adufasha kwiteza imbere none ubu twabaye abantu bakomeye  tujya mu nzego z’ubuyobozi ndetse tugafata ibyemezo” Mujawabera.

Abitabiriye ibiganiro n’abadepite uko ari 53 bose bahurije ku cyifuzo cy’uko abadepite bahindura ingingo ya 101 bakongera kwitorera Perezida kagame akabageza kubyiza byinshi.

Nyabihu: Ababyuka bicaye ku mihanda barasabwa gukura amaboko mu mifuka bakitabira umurimo

Mu gihe hari abaturage bamwe mu karere ka Nyabihu ngo babyuka bicaye bashyize amaboko mu mifuka bibereye ku mihanda,Guverineri w’Intara y’Iburengerazuba Mukandasira Caritas arashishikariza abo baturage kwitabira kwihangira imirimo kuko ariwo soko y’imibereho myiza n’iterambere.

Guverineri Mukandasira yabitangarije abaturage ubwo yasuraga umurenge wa Rugera mu mpera z’ukwezi kwa Nyakanga 2015.

Guverineri Mukandasira yasabye ababyuka bicaye ku mihanda gukura amaboko mu mifuka bagakora,kuko umurimo ari isoko y’iterambere

Guverineri Mukandasira yasabye ababyuka bicaye ku mihanda gukura amaboko mu mifuka bagakora,kuko umurimo ari isoko y’iterambere

Ni nyuma y’uko ngo ubwo yari aherutse muri ako gace,yahuye n’abantu babyukiye ku mihanda badakora.

Yagize ati “ubushize naraje wenda hari abambonye hano ku gasantire,ukabona abantu bariyicariye ntacyo bakora kandi ari amasaha y’akazi.Bavandimwe,mitiweli twazayikura hehe?Buri wese mubyo ashoboye nakure amaboko mu mifuka ashake imibereho.”

Yongeyeho ati “Umunyarwanda yabivuze neza ati “umugabo arigira yakwibura agapfa”,ni ahacu rero,ntabwo dushaka ko dupfa kubera ko twibuze,kandi Leta yacu ntacyo itaduhaye,Leta yacu yaduhaye byose by’intangiro byo kugira ngo dushobore kubaho neza twe kwibura.”

Gusa bamwe mu baturage barimo Mukarukaka wihangiye imirimo y’ubuhinzi bw’imboga, we avuga ko ubuzima babayeho  n’abana be babukesha gukura amaboko mu mifuka. Akaba ariyo mpamvu bashishikariza n’abandi bataratera iyo ntambwe kubigiraho ,bagaharanira kwiteza imbere.

Si Guverineri  w’Intara y’Iburengerazuba Mukandasira  usaba ababyukira ku mihanda bicaye  gushishikarira kwitabira umurimo gusa  kuko na Leta y’u Rwanda ishishikariza buri wese kwihangira imirimo no gukura amaboko mu mifuka kuko  ariwo soko y’iterambere rirambye.

Loving customers is key to business growth- experts

Good customer care is a pre-requisite for business growth

Good customer care is a pre-requisite for business growth

Experts say that for business growth to be realized, there is need to enhance customer services that will provide satisfaction to clients at all levels of the organization.

This comes at time a new report by Walker report titled customers 2020 which highlighted that customer services is likely to be the leading aspect in business by 2020.

“If the customer is not the key focus in all activities, whether it is improvements in delivery times or query resolution processes, efforts are wasted,” said Fatima  Sullivan, Vice President of Customer Services for DHL Express Sub-Saharan Africa.

He also noted that loving the customer’ explores the principles of creating successful relationships which secure customers’ hearts, minds and wallets.

The report indicates that customers impact to business continue to grow to become the key determinant in business growth. Sullivan says business need to respect the trend.

“Customers know what they want, and how they want it. You just need to listen to them,” she added.

She adds,“The voice of the customer is therefore an important element to consider when planning your strategies. Customers want to engage with companies who can not only provide a service, but are able to tailor-make solutions and respond quickly to changing demands”.

“Now it is either the business owner to understand and listen to the needs of their customers or lose the business to others,” he added

Moreover, Opar saysthat inmost businesses, thereis lack of a strong and coherent customer relations system, which therefore makes the managers miss important ideas that would shape their service delivery.

In a bid to shape its tainted image in as far as customer care is concerned, the government initiated the customer care campaign dubbed Nayombi( with tow hands) which focused as service providers to learn how to provide care to their clients.

Gatsibo: Barasaba kongererwa ubumenyi kugira ngo imishinga yabo itere imbere

Abaturage bo mu Murenge wa Kiramuruzi mu karere ka Gatsibo bibumbiye muri Koperative bise Abishyize hamwe, ikora ubworozi bw’inzuki, basaba ubuyozi bw’Akarere kubongerera ubumenyi kugira ngo babashe kurusaho guteza imbere umushinga wabo.

Aba baturage bafite ubumuga, bishyize hamwe mu rwego rwo kwihangira imirimo yababyarira inyungu, nubwo bahisemo gukora umushinga w’ubworozi bw’inzuki, ariko bavuga ko bagifite imbogamizi z’ubumenyi bucye bakaba bifuza kujya bahabwa amahugurwa yabafasha guteza imbere ubworozi bwabo.

Mugambira Janvier ni Perezida wa Koperative Abishyize hamwe, avuga ko biteze umusaruro utubutse mu gihe kiri imbere kuko umwuga wabo bawukorana umwete kandi bawukunze, gusa ngo baracyahura n’imbogamizi mu kazi kabo ka buri munsi kubera ubumenyi bucye.

Agira ati:” Turacyakeneye ubufasha kugira ngo umushinga wacu uzunguke kandi uruseho gutera imbere, tubikora tubikunze ariko dukeneye amahugurwa yo kutwongerera ubumenyi kugira ngo turusheho kubyaza umusaruro uyu mushinga wacu.”

Ushinzwe ama Koperative mu Murenge wa Kiramuruzi Mukeshimana Christella, avuga ko urwego ayobora rwemereye iyi koperative kuyikorera ubuvugizi kugira ngo babashe kongererwa ubumenyi mu murimo bakora.

Mukeshimana akomeza avuga ko ikibazo za Koperative zo muri uyu murenge zikunze guhura nacyo ari icy’ubumenyi bucye mubyo baba bakora hakiyongeraho ikibazo cy’ubuyobozi, aho usanga uyobora koperative ashaka kuyigarira ngo ayigire akarima ke.

Koperative Abishyize hamwe igizwe n’abafite ubumuga bagera kuri 25, ikaba yaratangiye mu ntangiriro z’uyu mwaka wa 2015, yatangiranye imari shingiro ingana na miliyoni imwe n’ibihumbi 600 z’amafaranga y’u Rwanda.

Gisagara: Ntibashimishwa n’uburyo ababyeyi babo bigabiza ibyo bizigamiye

Mu gihe kwigisha abana gufata umuco wo  kwizigama bikomeje hirya no hino abo mu murenge wa Kigembe mu karere ka Gisagara baravuga ko bajya babangamirwa n’ababyeyi bashoka amatungo baba bariyororeye bakayagurisha batabasabye uburenganzira.

Iyi myitwarire ya bamwe mu babyeyi kandi abaturage bo mu murenge wa Kigembe bavuga ko nayo iri mu bihembera amakimbirane yo mu miryango.

Umuco wo kwiharika kw’abana; bivuga kugira akarima cyangwa se amatungo magufi nk’inkwavu ndetse n’inkoko ku mwana, bikaba byamugoboka igihe hari ibyo akeneye nk’ibikoresho by’ishuri, ni gahunda abana bahamya ko ibafasha.

Nku’uko ariko bamwe mu bana babivuga, bakaba bagaya umuco w’ababyeyi bamwe na bamwe bigabiza ibyo aba bana baba barizigamiye bakabikoresha uko bashaka abana batabizi, bitwaje ko aribo bagenga ibyo mu rugo byose.

Umwe mu bana bo mu murenge wa Kigembe twaganiriye utarashatse ko amazina ye atangazwa, unavuga ko yiga mu mashuri yisumbuye, atangaza ko aherutse kubabazwa no gutaha agasanga ababyeyi be bagurishije amatungo yiyororeraga kandi nta nama bamugishije

Ati “Naratashye nsanga inkoko n’inkwavu zanjye bazigurishije batambwiye batanansabye uruhushya birambabaza mara iminsi ibiri ntaha singire uwo mvugisha, sinarye”

Abaturage bomuri aka gace bavuga ko kokohari bamwe mu babyeyi bigabiza imyihariko y’abana bakayikoresha batababajije, rimwe na rimwe n’ikivuyemo umwana ntamenye aho cyarengeye, ibi bigakurura amakimbirane mu ngo.

Mukamabano Marisiyana umukecuru uhatuye ati “Hari nyine abatwara iyo myihariko y’abana bakayigurisha bakajya kwinywera amayoga kandi umwana aba akeneye nawe kwiteza imbere, umwana yavuga induru zikavuga”

Bigirimana Augustin, umunyamabanga nshingwabikorwa w’umurenge wa Kigembe,avuga ko abatari bumva akamaro k’iki gikorwa,ngo bateganya gukomeza kubigisha kugira ngo imyumvire yabo ihinduke.

Ati “hari ababyeyi bagifite imyumvire iri hasi ari nabo bangiza imyihariko y’abana ariko dukomeza ubukangurambaga kandi nabo bazagenda babyumva”

Icyo abana bo muri Kigembe bifuza ni uko ababyeyi bajya babasaba uburenganzira igihe hari ubufasha bakeneye aho kugurisha batabibabwiye.

Meet Nsengimana, the creative phone charger in Nyaruguru

Meet Paul. Claude Nsengimana, 24 is a tall black man a phone charger smartphone charger who has made

It sounds like an odd job but charging peoples phones is a source of income and can lead one to sustainable development.

This is a true with Claude Nsengimana, 24, a resident of Kabere centre in Kabere cell, Nyabimata sector of Nyaruguru district who said he earns Rwf15000 a month from charging phones.

Nsengimana combines charging phones with showing films on his small flat screen TV which have led to his social development.

“After dropping out of school, I decided to buy a solar panel and be creative with it. That is how I started charging phones and showing films in Kabere Centre,” he explained.

Nsengimana added that an idea struck him after realizing there was no electricity in Kabere yet cell phone owners could move long distances to charge their phones.

“I thought that in a place without electricity, one can make money if solar system is used,” he said.

Nsengimana asserted that charging phones and showing films have improved his life, saying he is capable of providing for his basic needs.

“I plan to build a house. I will not get a bank loan because my job is enough to support the project,” revealed Nsengimana.

One of his customers, Pierre Nzirasanaho said that Nsengimana saved them from walking long distances to access electricity.

“He is of great help to us because we used to walk to Rweru for 40 minutes to charge. But now you come with Rwf100 and go back home with a fully charged phone,” said Nzirasanaho.

Apart from showing them films for entertainment purposes, Nsengimana allows residents to watch news on his TV set.

Follow

Get every new post delivered to your Inbox

Join other followers