Kabarore: Bavomera abantu bakabasha kwiteza imbere

Urubyiruko ruvomera abaturage rwibumbiye muri koperative bise Umucyo bakorera muri santere ya Kabarore, bavuga ko uyu murimo urimo kubateza imbere.

 m_2

Aha niho Koperative umucyo ikorera, umuturage ushaka amazi niho abasanga

Uru rubyiruko ruvuga ko aka kazi rukora ko kwegereza abaturage amazi rwifashishije amagare rubonamo inyungu, kuko no ijerekani imwe bayigura amafaranga 20 bakayigurisha amafaranga 100, kubwo ibyo bakemeza ko bibafasha kwikura mu bukene.

Nshimiyimana Calixte niwe ukuriye uru rubyiruko rwibumbiye muri koperative Umucyo, agira ati:’’ Aya mazi tuyageza ku batura tuyakuye ku migezi ya WASAC kuko iba iri kure, tukayabagurihsa kuko baba batabasha kwigererayo, mu myaka 4 maze nkora uyu mwuga maze kwiguriramo igare rihagaze amafaranga ibihumbi 80 y’u Rwanda.’’

N’ubwo uru rubyiruko ruvuga ko uyu mwuga urutunze, ubuyobozi bw’Akarere ka Gatsibo buvuga ko iyi koperative itazaramba bitewe n’uko mu mihigo y’Akarere harimo gukangurira abaturage kugira ivomo muri buri rugo.

Mu nama zitangwa umuyobozi w’akarere ka Gatsibo wungirije ushinzwe ubukungu n’iterambere Manzi Theogene arasaba uru rubyiruko kureba kure bakareba uburyo bahindura umushinga.

Agira ati:’’ Ni byiza ko uru rubyiruko rwihangiye umurimo, ariko twarushishikariza kuba rushaka ibindi rwakora bibinjiriza, kuko twebwe nk’akarere tubona umwuga bakora utazaramba igihe kirekire, kuko mu mihigo y’Akarere harimo kuzana amazi ahoraho mu karere kose abaturage bakazashishikarizwa kuyiyegereza mu ngo zabo.’’

N’ubwo uru rubyiruko ruvugako uyu murimo wo gucuruza amazi ubateza imbere, bavuga ko bagihura n’inzitizi z’imihanda idakoze neza, nk’umuhanda werekeza ku ivomo rya WASAC riherereye  mu kagari ka Nyabikiri wangiritse kuhanyura n’igare bikaba ari ikibazo.

Ubusanzwe uru rubyiruko ruzwi ku izina ry’abavomyi rukorera muri centre ya Kabarore mu karere ka Gatsibo, igare ririho ibijerekani 4 riba rihagaze agaciro k’amafaranga 80 bayakugereza mu rugo rikagurishwa amafaranga 400 y’u Rwanda.

Gucuruza ubushera byatumye arihira umugabo we kwiga Kaminuza

Uwizeyimana Marie Joselyne n’umucuruzi w’ubushera aho bwanaufashije kurihira umugabo we kugeza arangije kaminuza none ubu akaba ari umukozi wa Leta.

Uwizeyimana Marie Joselyne winjiza ibihumbi 200 ku kwezi abikesha gucuruza ubushera

Uwizeyimana Marie Joselyne winjiza ibihumbi 200 ku kwezi abikesha gucuruza ubushera

Ni umubyeyi w’imyaka 38 ufite umugabo n’abana 4, utuye mu Kagari ka Kimaranzara Umurenge wa Rilima mu Karere ka Bugesera, avuga uburyo yafashe icyemezo cyo gucuruza ubushera cyangwa ikigage.

Ati “ Natangiye kubucuruza mu mwaka wa 1998, ncuruza ijerekane imwe  ya litiro 20 ku munsi, none ubu nkaba ncuruza ibicuba icumi bifite litiro 7000 ku munsi. Ibintu bituma ninjiza amafaranga ibihumbi 200 ku kwezi”.

Avuga ko umurimo we, wamufashije kurihirira mugabo we Twizeyimana Jean Baptiste amashuri kugeza arangije kaminuza, ubu akaba ari umuforomo mu kigo nderabuzima cya Rilima.

Ati “Byamfashije kubaka amazu afite agaciro ka Miliyoni 30 nkodesha nayo akanyinjiriza amafaranga, nanakoresha abakozi 10”

Akaba asaba abandi bagore gutinyuka kwihangira imirimo aho guhora bateze amaboko ku bagabo babo.

Aha arimo gutanga ubuhamya bw’ukuntu ubushera bwamuteje imbere

Aha arimo gutanga ubuhamya bw’ukuntu ubushera bwamuteje imbere

Nyuma yo kubona ko hari abagore bateje imiryango yabo imbere; Guverineri w’Intara y’uburasirazuba Uwamariya Odette asaba n’abandi bagore gukoresha neza amahirwe igihugu cyabahaye. “By’umwihariko ndasaba abana b’abakobwa kutiyandarika kuko bafite amahirwe yo guhanga imirimo yabateza imbere mu buryo buboneye”.

Leta y’u Rwanda yagiye ishyiraho ibigo bitandukanye bifasha Abagore gukora imishinga y’iterambere; birimo n’ikigega kibafasha kubona ingwate cya BDF gusa bamwe mu bagore baranengwa kutabyitabira uko bikwiye, dore ko nk’ubu Abagore bafite konti mu mirenge SACCO ari 44%, mu gihe abagabo ari 57%.

 

Egide Kayiranga

 

Niyambuye umwenda w’ubuganga nambara isurubeti ngo mbone ikizatunga umuryango

Niyambuye umwenda w’ubuganga nambara isurubeti ngo mbone ikizatunga umuryango

Abaje gushyigikira ababo barangije

Neziryayo Simeon n’umunyeshuri urangije kwiga ubuganga muri UG, ngo nubwo arangije kwiga, ntazaterwa n’isoni zo kwambara isurubeti agashaka igitunga umuryango.

Simeon arangije umwaka wa Gatatu mu ishami ry’ubuganga “Nursing Science” muri University of Gitwe,  arahamya ko mu gihe yigaga amashuri ye, yagiye abona akazi k’ubuganga, ariko akabona kamuhemba make kuko atari yakarangije kwiga.

Yafashe icyemezo cyo kujya mu igaraje yambara isurubeti atangira kwiga ubukanishi anabifatanya no kwiga ubuganga. Ati “nahisemo kwiyambura umwambaro wa Kiganga nambara isarubeti, kuko kuba muri Kigali nabonaga bitoroshye”.

Avuga ko yatangiye gukora ubukanisha mu igaraje Nyabugogo mu mujyi wa Kigali, abantu benshi bakabitangarira, gusa we ngo ntacyo byari bimubwiye, kuko we yari afite icyo ashaka kugeraho.

Ati “ubu nubwo ndangije kaminuza, sinzirirwa niyambura isurubeti ngo ngiye gushaka akazi, ahubwo nakoreraga abandi, kandi inzira bikorwamo namaze kuyibona, igikurikiye ngiye gushaka uko nikoresha, ahubwo n’abandi mbahe akazi, ntagiye guteza abantu ibibazo ngo nimunshakire akazi”.

Niyambuye umwenda w’ubuganga nambara isurubeti ngo mbone ikizatunga umuryango

Ntatewe isoni no kuba agiye gukomeza ubukanishi kandi arangije ubuganga

Ibi Simeon, akaba yarabitangaje tariki 25/02/2016, mu muhango wo guha abanyeshuri 323 impamyabumenyi barangije amasoma yabo mu mashami atandukanye, muri kaminuza ya Gitwe iri mu karere ka Ruhango.

Uyu musore, agasaba bagenzi be barangije amashuri, kutumva ko bagiye kujya hariya ngo bategereze abazabaha akazi, kuko bakwiye gutekereza ko buri mwaka amashuri makuru na Kaminuza zisaga 60, zisohora abanyeshuri benshi kandi bose baza bashaka akazi, akababwira ko batekereza icyo bakora, ntibabere abandi umuzigo.

Mpazimaka Jean Claude umujyanama wa Guverineri w’intara y’Amajyepfo, wari witabiriye uyu muhango, yashimiye cyane ubuyobozi bwa Kaminuza ya Gitwe, uburyo bukomeje gutanga umusanzu mu burezi bufite ireme.

Nawe akaba yasabye abarangije aha, kutagenda ngo bicarane ubumenyi bahawe, ko ahubwo bagomba kugenda bakabukoresha mu gutekereza icyo bakora kugirango biteze imbere.

Akaba yababwiye ko Leta ifite intego zo gufasha abarangiza amashuri bakabura akazi, kwihangira imirimo, ibafasha kugana ibigo by’imari.

Neziryayo Simeon

Caguwa kuri 300Frw ngo birateza imbere imibereho myiza

Photo1: Imyenda ya caguwa iragurishwa i Kigali guhera ku mafaranga 300 Frw

Photo1: Imyenda ya caguwa iragurishwa i Kigali guhera ku mafaranga 300 Frw

Abashoramari b’abanya-Canada bemeza ko imbaga y’abanyarwanda izabaho neza ibikesheje kugura no gucuruza imyenda ya caguwa, guhera ku mafaranga 300Frw y’amanyarwanda.

Kuba ngo ari imyenda idapfa gucikagurika, igurishwa ku giciro cyoroheye benshi, ndetse ikaba itagira ingaruka mbi ku buzima bw’abantu; ubu ngo ni uburyo buzateza imbere imibereho myiza n’ubukungu bya benshi, nk’uko abo bashoramari babyemeza.

Photo2: Imyenda ya caguwa iragurishwa mu Gakiriro guhera ku mafaranga 300 Frw

Photo2: Imyenda ya caguwa iragurishwa mu Gakiriro guhera ku mafaranga 300 Frw

Umushoramari witwa Fatih Mona ugurishiriza imyenda mu Gakiriro ka Gisozi, avuga ko n’ubwo u Rwanda rwateye imbere, ngo hari benshi bakiri mu cyiciro cy’abakene, ku buryo kubona amafaranga yo kugura imyenda bishobora kuba ari ikibazo.

Yagize ati:”Usibye korohereza abantu b’ibyiciro byose, guhera ku mukene kugera ku wifite; hari ibihumbi byinshi cyane by’abanyarwanda babeshejweho no kuza kurangura no gucuruza imyenda ya caguwa, aho bataha bakajya gutunga imiryango yabo”.

“Dufashe urugero rw’umuntu uhembwa amafaranga y’u Rwanda ibihumbi  150Frw; aramutse  aguze umwenda mushyashya uva mu Buhinde, mu Bushinwa cyangwa muri Bangladesh; akaza akawumesa gatatu, ubwa kane ntiyongera kuwambara; biba ngombwa  ko agura undi; ese ayo mafaranga yaboneka!” Nk’uko Fatih yibaza.

We na bagenzi be bakorana akazi ko kuranguza no kugurisha detaye(umwe umwe)  imyenda ikomoka muri Amerika, baranenga imyambaro mishyashya ikomoka muri Aziya, aho bavuga ko ishobora guteza ikibazo cy’uburwayi kubera ibintu biba biwukoze birimo amarangi bawukorana.

Ibi bitandukanye n’igitekerezo cya Ministeri y’ubucuruzi n’inganda(MINICOM), yavuze ko ahubwo imyenda yamabawe ari yo iteza indwara. “Nyamara siyo yagakwiriye kuba iteza indwara kuko yo iba yaragiye imeswa inshuro nyinshi”, Fatih.

MINICOM ivuga ko iteganya kuzana abashoramari bazashinga uruganda mu Rwanda rwunganira UTEXRWA mu gukora imyenda, ndetse ikazahita ikuba kabiri imisoro yakwa ku myenda ya caguwa ikomoka hanze y’igihugu, mu rwego rwo guteza  imbere ibikorerwa  mu Rwanda.

 

Kibirizi-Karongi: Bamwe bakomeje guhagarika ubucuruzi bahunga imisoro

Kibirizi-Karongi: Bamwe bakomeje guhagarika ubucuruzi bahunga imisoro

Santere iganwa n’abantu benshi cyane kumunsi w’isoko

Bamwe mu bacuruzi bakorera mu isantere ya Kibirizi mu Murenge wa Rubengera, Akarere ka Karongi bakomeje guhagarika ubucuruzi bahunga imisoro.

Iyi santere ya Kibirizi iri mu zigize umujyi wa Karongi, ikorerwamo uburuzi butandukanye bukorerwa mu maduka ndetse akaba ari naho haremera isoko ry’Umurenge wa Rubengera.

Kugeza hakaba habarurwa abacuruzi bagera kuri 6 bamaze iminsi mike babihagaritse abandi bakajya gukorera mu tundi duce tw’icyaro kubera guhunga imisoro nk’uko babivuga. Hari na bamwe mu bahakorera bavuga ko nabo basanga iminsi bahafite ari mike.

Abacuruzi bavuga ko bashyizwe mu cyiciro kirenze ubushobozi bwabo

Aba bacuruzi (batifuje ko amazina yabo agaragara mu itangazamakuru) bavuga ko amafaranga bacuruza ari make ku buryo babasha kwishyura TVA yemwe ngo n’ay’akamashini (EMB: Electronic Billing Machine) basabwa kugura bakaba batayabona.

Kibirizi-Karongi: Bamwe bakomeje guhagarika ubucuruzi bahunga imisoro

Santere iganwa n’abantu benshi cyane kumunsi w’isoko

Uyu ati:”Bavuga ko kugira ngo utange TVA, nibura umuntu agomba kuba acuruza miliyoni 20 ku mwaka, igishoro dufite ndetse n’uburyo abakiriya baboneka nta  zo abenshi tubona, umuntu yareba rero agasanga biramugoye akabivamo, n’ubwo umuntu agira impamvu ze, njye nabonye ndi mu cyiciro kitankwiriye.”

Bavuga ko bashyizwe mu batanga TVA hadakurikijwe amategeko

Aba bacuruzi bavuga ko bashyizwe n’ikigo cy’igihugu gishinzwe imisoro n’amahoro (RRA) mu cyiciro cy’abatanga umusoro ku nyongeragaciro (TVA) ku ngufu hadashingiwe ku ngano y’amafaranga bacuruza, bakumva ko barenganyijwe ndetse ngo bakaba barandikiye urwego rw’abikorera basaba kurenganurwa n’ubwo ngo nta cyo rwabikozeho.

Kibirizi-Karongi: Bamwe bakomeje guhagarika ubucuruzi bahunga imisoro

Abazindukiye kuri polisi gusubiza amafaranga

Uyu ati:” Ntawabanje kureba ngo ducuruza ibingana iki, ahubwo ahenshi barazaga bakabaza igihe umaze ucuruza bakagushyira mu bishyura TVA.”

RRA ibivugaho iki?

Mu kiganiro na RWIRIRIZA Gashango, umuhuzabikorwa wa RRA mu Ntara y’Iburengerazuba yatangiye atangariza Kigalitoday ko gushyirwa muri TVA bifite amategeko abigenga kandi ko iyo hari urenganyijwe hari inzira yacamo zirimo ko niba arenganyijwe n’umukozi wa RRA ku Karere yandikira umuhuzabikorwa ku rwego rw’Intara atamurenganura akaba yabigeza kuri Komiseri w’imisoro mu guhugu ndetse na Komiseri mukuru, kandi ibi aba bacuruzi bakaba nta byo bakoze.

Yakomeje avuga bacuruzi bari bamaze igihe kinini bashishikarizwa kwinjira muri TVA ndetse akemeza ko byagaragaraga ko iyi santere iri kuzamuka.

RRA ivuga ko nta kigaragaza ukurengana kw’aba bacuruzi

Rwiririza avuga ko ubusanzwe  umucuruzi usabwa kwiyandikisha muri TVA ari uba ageza kuri miliyoni 20 ku mwaka cyangwa miliyoni 5 ku gihembwe, bityo nyuma kwinjizwa muri TVA umuntu akaba ahita anasabwa gukoresha EMB.

Avuga ko abavuga ko barenganye bose ntawe ushobora kubigararagaza. Ati:” None se muri abo bose bavuga ko barenganyijwe hari ushobora kugaragaza ko yarenganye? Niba umucuruzi atagaragaza ibyo acuruza buri munsi kandi akora buri munsi arashingira kuki avuga ko arengana?”

Rwiririza avuga ko kuba aba bacuruzi batemera kugaragaza ibyo bacuruje umunsi ku munsi mu gihe usanga hari bagenzi babo bacuruzanya bagiye banditse muri TVA yemwe banarangurira hamwe, kandi nabo barabikanguriwe igihe kinini ari bumwe mu buryo bwo gushaka kudatanga TVA ariyo mpamvu bahisemo kubasaba kwiyindikishamo.

RRA ihumuriza abacuruzi kuri EBM

Rwiririza avuga ko ikintu kiriho ari uko abacuruzi bamwe bumva EBM bakumva ari nk’ikintu kije kubakoraho nyamara atari ko bimeze.

Ati:” Umucuruzi yumva EBM akumva ari ikintu kije kumugirira nabi, ariko EBM ubu aho ikoreshwa imaze kugira umusaruro mwiza, aho umntu asiga umukozi mu iduka, bikazamufasha gukora ibaruramari, akabasha kumenya ibyacurujwe atari ahari, akamenya umusoro wa Leta agomba gutanga.”

Avuga ko ubu ikigomba gushyirwamo imbaraga ari ubukangurambaga, ndetse nyuma y’iki kibazo abacuruzi bo muri aka Karere bakaba barateguriwe amahugurwa agamije kubafasha gusobanukirwa n’iyi gahunda, azakorwa ku itariki ya 01 Werurwe.

Ubuyobozi bw’Akarere ka Karongi bwo bubivugaho iki?

Muhire Emmanuel, umuyobozi w’Akarere ka Karongi avuga ko ikibazo gishingiye ku myumvire kuko nta munyarwanda wakagombye kuba ahunga kubera kwanga gusora, akibutsa ko imisoro ari ryo shingiro ry’iterambere ry’igihugu.

N’ubwo havuga aba bacuruzi bari guhagarika akazi bahunga imisoro, muri iyi santere hanagaragara bamwe mu bacuruzi bakomeje kyivamo bajya gukorera mu Mijyi nka Kigali bayishinja kudatera imbere.

Iki kibazo kikaba kiri mu byakunze kugarukwaho n’inama njyanama yacyuye igihe igaragaraza, imisoro Akarere kinjizaga ishobora kuzagenda iba mike kubera abasoreshwa bigendera.

Abaturage barifuza ko imipaka yakora amasaha 24

m_1a

Abakora ubucuruzi bifuza ko imipaka yakora amasaha yose

 m_1b

Abakora ubucuruzi bifuza ko imipaka yakora amasaha yose

Abaturage bakoresha imipaka ya Rusizi yambere n’iyakabiri baravuga ko bifuza ko imipaka yakora amasaha y’ijoro n’amanywa kugirango imihahiranire irusheho kunoga.

Ibi aba baturage baturiye iyo mipaka babivuze nyuma yaho ngo bakunze guhura n’imbogamizi zitandukanye haba mubucuruzi bwabo n’abakora ingendo zitandukanye aho bagera ku imipaka yabo bagasanga yafunze kare bigatuma barara hanze ukubiri n’imiryango yabo.

Tuyisenge Mariya umwe mu banyarwanda bakora ubucuruzi buciriritse bwambukiranya imipaka avuga ko bahura n’imbogamizi nyinshi kuko ngo bajya gucuruza muri congo barwana n’amasaha kugirango batabafungiraho bakarara muri Congo kandi amasoko ya Congo arema n’imugoroba

Yagize ati” turifuza ko imipaka yakora amasaha makumyabiri nane kubera ko duhura n’imbogamizi nyinshi,  hari igihe tujya gucuruza muri congo twarenza saa kumi nebyiri tutaraza bakadufungiraho kandi abanyekongo bagura n’imugoroba ibyo bituma ibicuruzwa byacu biduhomberaho bazongera amasaha.”

Namuhoranye Patric  yikorera imizigo ayijyana muri Congo avuga ko harigihe ajyana imizigo muri congo saa kumi nebyeri zamufatira munzira muri congo bakabafata bakabafunga aha agasaba ko ibihugu byombi byavugana bikumvikana uko byakorohereza abaturage bakoresha imipaka baturiye.

Kuruhande rw’abaturage bakoresha imipaka ya Rusizi yambere n’iya kabiri nabo bavuga ko icyababera cyiza ari uko amasaha yakwiyongera

Mushagarusa Vicent ni w’umunyecongo yagize ati” bajyebafunga na saa sita zijoro umubano ningombwa sibyo umubano ningombwa.

Butera Yves umukozi ushinzwe kumenyekanisha gahunda z’urwego rushinzwe abijira n’abasohoka mu Rwanda avuga ko burigihe bifuza icyakorohereza abaturage bakora ubucuruzi bw’ambukiranya imipaka aha agasobanu ko imipaka itarabigeraho ya Rusizi yambere niyakabiri ngo bakiri mu biganiro.

ati” ubuyobozi bukuru bushinzwe abijira n’abasohoka mu Rwanda duhora twifuza icyakorohereza abaturage ari mu ingendo zibungukira ariko ku imipaka idakora amasaha 24 ntabwo uruhande rumwe rushobora kwicara ngo ruvugengo dukoze amasaha 24 haracyari  gahunda zibiganiro kugirango bikorwe.”

Umupaka wa Rusizi yambere niyakabiri kuruhande rw’u Rwanda bafunga saa yine zijoro mugihe abo kuruhande rwa Congo bafunga saa kumi nebyiri z’umugoroba.

Rusizi: Ikibazo cy’imicungire mibi mu makoperative cyafatiwe ingamba

Umunyamabanga nshingwabikorwa w’umurenge wa kamembe

Umunyamabanga nshingwabikorwa w’umurenge wa kamembe

Abashinzwe amakoperative

Abashinzwe amakoperative

Mu gihe mu karere ka Rusizi hari hashize iminsi havugwa imicungire mibi n’imiyoborere y’amakoperative hatangijwe ingamba zo kuvugurura imikorere idahwitse.

Bamwe mubayobozi b’amakoperative n’abanyamuryango bayo bavuga ko ibyabateraga igihombo ari uko inzego z’ubuyobozi n’abanyamuryango batumvikanaga bitewe n’impamvu zitandukanye zirimo kudasobanukirwa n’uko bagomba kuyobora no gucunga umutungo w’abanyamuryango.

Baratsikimba Jean Bosco umugenzuzi wa koperative Ambara uberwe ikora imirimo y’ubudozi avuga ko kudahuza kw’abayobozi bituma hagaragara imicungire mibi y’umutungo bigatuma abo bayobora bivovotera imicungire y’umutungo wabo kuko ngo bibateza ibihombo bigatuma badatera imbere.

Yagize ati” ingaruka igaragara mu imicungire mibi y’umutungo iva kubayobozi badahuza bigatuma abanyamuryango babibonamo ibindi kuko ntawavuga ko umutungo ucunzwe neza mugihe abawucunze batavuga rumwe twari dufite intego yo kwagura ibyo dukora ariko twarahombye kubera iyo mikorere”.

Harimenshi Rukia umunyamuryango wa koperative y’abacuruzi b’injanga avuga ko bakoreraga mukajagari kandi batubahana ikindi kandi ngo bakoreshaga umutwe wabo mu micungire y’umutungo kuko batitaga kubijyanye no kwandika imitungo ariko ngo bagiye guhindura imikorere.

Umunyamabanga nshingwabikorwa w’umurenge wa Kamembe Ntivuguruzwa Gervais avuga ko hashize iminsi bafite ibibazo mu micungire y’amakoperative biterwa n’imiyoborere mibi ndetse n’imicungire idasobanutse arinayo mpamvu guhindura imikorere nkiyo ituma bahomba.

Yagize ati” tumaze igihe dufite amakoperative mu murenge wa Kamembe agaragaramo ibibazo bitandukanye bikagaragara ko bagikeneye ubumenye bwimbitse kubijyanye n’imiyoborere ndetse n’imicungire niyompamvu yatumye twihutisha kubatumira kugirango tubahe ubumenyi”.

Umuyobozi w’amakoperative mu karere ka Rusizi Nsabayezu Jean Luc yasobanuye ko muri uyu mwaka wa 2016 bafite gahunda yo guhindura ibitameze neza mu makoperative cyane cyane ibijyanye no gucunga umutungo aha ngo bakaba bafite icyizere cy’uko imikorere izanoga.

Mu murenge wa Kamembe kugeza ubu hari amakoperative agera muri 54 amenshi akaba yaragiye avugwaho imikorere mibi .

Mu rwego rwo guhindura iyo mi korere ngo hagiye gutangwa amahugurwa mu mirenge yose y’aka karere ajyanye n’imiyoborere ndetse n’imicungire.

Ngoma: Batangiye koperative babyita ikinamico none barashima ibyo ibagejejeho

Ngoma: Batangiye koperative babyita ikinamico none barashima ibyo ibagejejeho

Koperative yabonye ibiro

Abanyamuryango ba koperative KOREMU ihinga ibigori mu murenge wa Murama mu karere ka Ngoma,barashima iterambere bagezeho nyuma yo kuyishinga babyita ikinamico.

KOREMU imaze kwigurira imodoka ya FUSO baguze miliyoni 30, biyubakiye Ibiro bakoreramo bifite agaciro ka miliyoni 12,ndetse n’ibibanza byubatseho ubwanikiro bifite agaciro n’ibindi.

Mu gutangira iyi koprative mu mwaka wa 2011,ngo babikoze kuko babisabwaga n’ubuyobozi bubibashishikariza babikora ariko batumva neza inyungu zabyo,ibintu bagereranya n’ikinamico barimo kuko bitari bibafasheho cyane.

Higiro Slydio umunyamuryango wa KOREMU yemeza ko ajya muri koperative nta kizere yari afite kinshi ko izabateza imbere kugera aho bigeze.

Ngoma: Batangiye koperative babyita ikinamico none barashima ibyo ibagejejeho

Koperative yabonye ibiro

Yagize ati”Koperative twazumvaga ahandi twumva ari nk’ikinamico atari ikintu cyateza umuntu imbere ariko aho tuyigiriyemo ubu tumaze kwiteza imbere cyane pe!”

Bazirunguka Jean Piere umuyobozi w’iyi koperative avuga ko nyuma yo gutangira koperative babonye amahugurwa menshi abafasha kumenya uko bakitza imbere.

Akomeza avuga ko ibanga bakoresheje ngo biteze imbere ari ukwihangana no gushyira hamwe buri munyamuryango akumva ko koprative ari iye akayitangira adategereje ko bikorwa na perezida wa koperative gusa.

Yagize ati”Twakoreraga hamwe,twamaze imyaka ibili hano utahabaza n’ibihumbi ijana.Ntitwacika intege,abanyamuryango bakomeza gutanga ibyo basabwa,dukora imishinga twaka inguzanyo muri banki none ubu tugeze ku mitungo ya miliyoni hafi ijana.”

Mukamana Grace,umunyamuryango wa KOREMU avuga ko kuba muri koperative byamufashije kubona amahugurwa mu kunoza ubuhinzi bwe,none ngo umusaruro we wikubye kenshi abasha kwigurira inka no gutunga urugo.

Yagize ati” Njyewe ubundi nari umuntu wabonaga igitenge binsabye kujya guhingira umuntu,ariko ubu nkibona bitangoye kuko mbona umusaruro uhagije nkakuramo amafaranga.”

Kubera ibikorwa aba bahinzi bagenda bagaragaza mu gushyira hamwe no kunoza ubuhinzi bwabo,ubu kubufatanye na ministeri y’ubuhinzi,bari kubaka ubuhunikiro buhagaze miliyoni 80.

KOREMU kugera ubu ifite abanyamuryango 350 bahinga ibigori kuri hegitari 400, bafite intego yo guhunika toni 1.000 mu buryo bwa warrantage.

By Jean Claude Gakwaya

Iburengerazuba: Ibibanza bidafite ibyangombwa bikomeje guteza ibihombo

Komiseri muri RRA, ushinzwe imisoro y’imbere mu gihugu

Komiseri muri RRA, ushinzwe imisoro y’imbere mu gihugu

Ibibanza bidafite ibyangombwa mu Ntara y’Iburengerazuba, biyganjemo ibyo banyirabyo bafunze n’ibifite ibibazo, biri mu bikomeje gutera ibihombo misoro yinjira.

Ikigo cy’igihugu gishinzwe imisoro n’Amahoro (Rwanda Revenue Authority, RRA) kigaragaza ko muri rusange Intara y’Iburengerazuba ifite ibibanza Miliyoni imwe n’ibihumbi 600, ibigomba gutanga imisoro bikaba ari 61,558 ariko ibyishyuye kugez ubu bikaba ari 6,777.

Ukuba ibyinshi muri ibi bibanza bitishyura, biri mu bikomeje guteza ibihombo mu misoro yakagombye kwinjira , bikaba byiganjemo iby’abantu batagira indangamuntu kuko bafunze, ibya bamwe batarajya kubitwara, ibyanditse ku batari ba nyirabyo n’ibindi bifite ibibazo bitandukanye.

Umuyobozi w’intara y’Uburengerazuba

Umuyobozi w’intara y’Uburengerazuba

Komiseri muri RRA ushinzwe imisoro y’imbere mu gihugu, Kayigi Habiyambere Aimable ati:” Harimo ibibazo byinshi bituma abantu badatanga umusoro ku bukode bw’ubutaka mu buryo bwiza, hari ibibanza ubu bicyanditse ku Banyamabanga Nshingwabikorwa b’Uturere, iby’abafunzwe ibibanza byabo bidasora kuko batarabona ibyangombwa.”

Kuri iki kibazo, Guverineri w’Intara y’Iburengerazuba Madame Mukandasira Caritas akaba asaba imikoranire hagati y’inzego zose kugira ngo imisoro ibashe kuboneka uko bigomba.

Ati:” Buri wese arasabwa gukora inshingano ze, zaba inzego z’ibanze, yaba RRA kugira ngo tubashe kubona imisoro ikwiye, murabizi niyo yubaka igihugu, tukareba ko tuzareka kugendera ku nkunga z’amahanga nk’uko Nyakubahwa Perezida wa Repubulika ahora abivuga, ukwigira ni intego kandi iyo ni intangiro.”

Uretse ibibanza bidafite ibyangombwa kimwe n’ibyanditse ku batari ba nyirabyo, hagaragazwa n’ikibazo cy’uko hari bamwe mu baturage batajya gufata ibyangombwa byabo. Mu nama iherutse guhuza RRA n’inzego zitandukanye mu Ntara y’Iburengerazuba, inzego z’ibanze zikaba zarasabwe gukora ibyihuse hakabasha kugaragazwa ibibanza byose muri buri Karere na ba nyirabyo kimwe n’ibifite ibibazo.

 

Gatumba: Guhagarika ibirombe by’amabuye y’agaciro byabateje ubukene

Abacururiza muri aya masoko nabo ngo ntibakibona amafaranga

Abacururiza muri aya masoko nabo ngo ntibakibona amafaranga

Abaturage n’abacuruzi bakorera mu murenge wa Gatumba bavuga ko guhagarika ubucukuzi bw’amabuye y’agaciro byabateje ubukene.

Umurenge wa gatumba ni umwe mu yicukurwamo amabuye y’agaciro menshi aho abaturage benshi babonaga mo akazi. Muri iki gihe hashize amezi agera kuri 6 ubucukuzi budakorwa neza ngo byateje ubukene ku bari bahafite akazi no ku bahakorera ibikorwa by’ubucuruzi.

Ubusanzwe ako gace kakorerwagamo n’isosiyete y’abanyafurika yepfo yitwa GMc (Gatumba Minning Concession), ariko iza guhagarika imirimo yayo mu mwaka wa 2015, ku mpamvu tutabashije kumenya. Nkuko umuyobozi wungirije ushinzwe ubukungu yabitangaje, iyi sosoyete yahaga akazi abantu 6500.

Abakoraga mu mabuye y’agaciro barataka ubukene

Abakoraga mu mabuye y’agaciro barataka ubukene

Nzabonimpa Emmanuel, umucuruzi ukorera ahitwa ku Cyome agace k’ubucuruzi kegereye ibirombe bya Gatumba, avuga ko kuri iki gihe bataibona amafaranga kubera ko gucukura amabuye y’agaciro byahagaze.

Ati « mbere amafaranga twarayabonaga rwose. Ariko ubu ni ukwanga kwicara gusa naho ubundi abaturage nta mafaranga bafite kubera ko batagicukura amabuye y’agaciro. Byadushimisha yongeye gutangira”.

Iyakaremye jean Bosco umwe mu bari bafite akazi muri ubwo bucukuzi nawe avuga ko kubuhagarika byabasubije inyuma, ku buryo amikoro yabaye make mu baturage batuye ako gace, ahanini bayakuraga ku bucukuzi.

Aba baturage bategereje igisubizo ku ruzinduko umunyamabanga wa Leta muri minisiteri y’umutungo kamere Imena Evode aherutse kugirira muri aka karere kuwa 9 Ukuboza 2015, aho yagenzwaga no kwegurira tumwe mu duce tw’ubucukuzi abikorera bahabyaza umusaruro.

Ruboneza Gedeon usanzwe ayobora akarere ka Ngororero we avuga ko impamvu gutangira ubucukuzi byatinze ari uko hagishakishwa abashoramari bafite ubushobozi bwo gucukura amabuye y’agaciro bya kinyamwuga, mu rwgeo rwo kongera umusaruro no kurengera ibidukikije.

 

Follow

Get every new post delivered to your Inbox

Join other followers