“Kora wigire” bayitezeho kuzabavana mu batagira icyo bakora

Urubyiruko rw’i Nyanza rwigishijwe amasomo y’imyuga muri gahunda ya “Kora wigire” ruravuga ko ruyitezeho kuzabavana mu mubare w’abatagira icyo bakora. 

Abarangije imyuga hamwe n'abayobozi mu ifoto y'urwibutso

Abarangije imyuga hamwe n’abayobozi mu ifoto y’urwibutso

Ibi ni bimwe mu bitangazwa n’abasore n’inkumi 194 bitabiriye amasomo y’igihe gito yatangiwe mu kigo cya Nyanza Technical School na VTC Nyanza nyuma y’uko bari bamaze amezi atatu bigishwa imyuga itandukanye.

Mugabo Fidèle umwe muri abo banyeshuli bize ayo masomo y’igihe gito y’imyuga avuga ko nyuma yo kwiga ubu biyemeje kuva mu mubare w’abatagira icyo bakora.

Agira ati “Nkatwe twagize amahirwe yo guhabwa ubushobozi bwo kwiga binyuze muri gahunda ya “Kora Wigire”, ibyo twize tuzabishyura mu ngiro bityo tuve mu mubare w’abatagira icyo bakora”.

Uyu musore w’imyaka 25 y’amavuko avuga ko Leta y’u Rwanda yarebye kure mu gushyiraho ubwo buryo bwo guhanga imirimo idashyingiye ku buhinzi.

Ati “Amateka y’u Rwanda agaragaza neza ko urubyiruko rwakoreshejwe mu gusenya igihugu ariko twe tuzakoresha imbaraga zacu mu kucyubaka kuko twahawe uburyo n’ubushobozi kugira ngo tubigereho”.

Nyuma y’uko umwe muri urwo rubyiruko arangije ayo masomo y’igihe gito mu myuga  ahabwa  ibikoresho bijyanye n’ibyo yize bingana n’ibihumbi 500 Frw naho iyo bibumbiye muri Koperative baterwa inkunga ya miliyoni 5 Frw atangwa  n’ikigega cya BDF nk’uko Munyanshongore Nicolas ushinzwe amakoperative mu karere ka Nyanza abivuga.

Munyanshongore akomeza avuga ko iyi gahunda yo kwigisha urubyiruko imyuga igamije gutuma rwibumbira hamwe rugahanga imirimo irufasha kwiteza imbere rudatatanyije ingufu.

Ati“ Leta ibafasha mu kubishyurira 50% by’ibikoresho mwahawe naho asigaye murayiyishyurira  nta ngwate musabwe kuko ikigega cya BDF kiba cyabishingiye”.

Uru rubyiruko rw’abasore n’inkumi bakomeza bagirwa inama yo kwisunga ibigo by’imari nka SACCO z’imirenge zatoranyijwe muri iyi gahunda kugira ngo bagaragaze imishinga yabo maze nyuma iterwe inkunga.

Mu karere ka Nyanza abasore n’inkumi 194 ni bo bamaze kwiga  ayo masomo y’imyuga y’igihe gito arebana na  gahunda ya “Kora wigire”.

 

Kogosha byatumye ava mu bukode abasha kwiyubakira

Sikubwabo Eulerie, umugore utuye mu Murenge wa Gashari, amaze kwishingira inzu yogosherwamo no kwiyubakira inzu yo kubamo abikesha kogoshera abandi.

Sikubwabo Eulerie yabashije kwishingira salon no kwiyubakira inzu yo kubamo abikuye ku kogoshera abandi

Sikubwabo Eulerie yabashije kwishingira salon no kwiyubakira inzu yo kubamo abikuye ku kogoshera abandi

Uyu w’abana 3 avuga ko amaze imyaka 6 akora uyu mwuga, akaba yaramenye kogosha abyigishijwe n’umugabo we, ubu ndetse bakaba basigaye bakorera hamwe nyuma yo kwishingira inzu yogosherwamo (Sallon de coiffure) yabo.

Ati“Negereye umugabo wanjye anyigisha kogosha, nkajya nogosha banyishura ku munsi nkizigamira, mbasha kubona ubushobozi nshinga salon yanjye nzanamo n’umugabo wanjye, nyuma nubaka inzu yo kubamo, tuva aho twakodeshaga, ubu tubayeho neza.”

Sikubwabo avuga ko yabanje guhura n’imbogamizi y’uko abantu cyane abagore batapfaga kwemera ko abogosha, bumva ko atabizi, gusa ngo ubu usanga abaje kwiyogoshesha iwe ari we baba barwanira kuko abikora neza.

Nzaramba Thomas, umwe mu bakiriya twasanze yagiye kwiyogoshesha, avuga ko mu gace agiye kubamo agira umuntu umwe umwogosha igihe cyose, mu mezi 8 amaze muri uyu Murenge akaba nta wundi wamwogosha utari Sikubwabo.

Karasira Nicolas, Umunyamabanga Nshingwabikorwa w’Umurenge wa Gashari uyu mugore abarizwamo, avuga ko uru ari urugero rwiza ku bandi bagore ndetse n’abakobwa bagifite Umuco wo kwitinya bumva ko hari imirimo igenewe abagabo bonyine.

Ni mu gihe Leta y’u Rwanda ikomeje gushyira imbaraga mu gukangurira cyane urubyiruko kwitabira kwiga imyuga hagamijwe kwihangira imirimo, ariko abakobwa bakaba bakiri bake mu kwitabira iyi gahunda.

Yatangiye ahingira ibiryo none yeza Toni zirindwi

Baziruwunguka Jean Pierre nyuma yo guhugurwa agahinga kijyambere,yikuye ku guhingira ibiryo yigeza ku kweza Toni zirindwi z’umusaruro.

m_5

Baziruwunguka yabashije kugera mu gihugu cya Ghana abikesha ubuhinzi kandi yarahoze ahingira ibyo kurya

Atuye mu Murenge wa Murama Akarere ka Ngoma,yemeza ko nta yandi masambu yaguze ahubwo ko ha handi yezaga ibidahagije umuryango we, ari ho yeza toni zirindwi kubera gukoresha inyongeramusaruro no guhinga imbuto z’indobanure zitanga umusaruro mwinshi.

Kugera ubu Baziruwunguka ari muri koperative ihinga ibigori n’ibinyampeke mu Murenge wa Murama (KOREMU), aho ayibereye umuyobozi.

Yagize ati”Buri gihe(season)mba mfite Miliyoni n’ibihumbi 300 nkuye mu bigori mpinga kuri Hegitari irengaho gato ari na yo sambu nari mfite mbere. Koperative yamfunguye mu mutwe menya guhinga neza.Ubundi sinabashaga no kwezi ibiro 50, bigatuma njya guhingiriza ibyo kurya.”

Baziruwunguka avuga ko ubukene yari afite bwari mu mutwe kuko haburaga ubumenyi no guhindura imyumvire gusa ngo ibyo afite abibyaze umusaruro.

Yagize ati”Mu mutwe ni ho hari ikibazo nibwo bukene bukomeye nari mfite kuko amasambu nari nyafite nubwo yari mato yashoboraga kwera. Kuko n’ubundi nta yandi naguze ni yo ngifite kandi nyezamo izo toni zindwi z’ibigori.”

N’ubwo avuga ko yageze kuri byinshi Baziruwunguka avuga ko nta byo yari kwigezaho wenyine adakoreye muri koperative kuko ari yo imugurira umusaruro ku giciro kiza(180Frs ku kilo) ndetse akanaboneramo amahugurwa amufasha gukomeza gukarisha ubuhinzi bw’umwuga.

Mu buhamya atanga avuga ko uretse we hari n’abandi bahinzi benshi biteje imbere baturanye babikesha guhinga kijyambere ibigori nyuma y’aho indi myaka yari yarabananiye kubera ubutaka bubi bahingaga  nta fumbire bakoresha.

Mu rugo kwa Bazirunguka ubuhinzi bwe ngo bwamugejeje no kubworozi bw’inka zimufasha kubona ifumbire y’imborera yifashisha mu buhinzi, ingurube zimuha amafaranga ndetse n’andi matungo.Yabashije kwivana  mu nzu y’amabati 15, none ubu amaze kuzuza iy’amabati 80.

Abafatanyabikorwa barasabwa kubafasha gukura abaturage mu bukene

Ubuyobozi bw’Akarere ka Nyamasheke bwasabye abafatanyabikorwa bakorera mu karere gufata iya mbere bagafasha abaturage kwivana mu bukene babagabira inka.

Abatanyabikorwa biyemeje kwishakamo inka zunganira izitangwa n'akarere nk'uruhare rwabo mu iterambere

Abatanyabikorwa biyemeje kwishakamo inka zunganira izitangwa n’akarere nk’uruhare rwabo mu iterambere

Ni nyuma yo kubona ko Akarere ka Nyamasheke ari kamwe mu turere dufite abaturage bakennye bakeneye kuzamura imibereho yabo, mu buzima bwabo, bityo abafatanyabikorwa bafite aho bahurira n’abaturage benshi bakaba basabwe kugira icyo batanga ngo nibura buri rugo ruzabone inka, mu gihe cya vuba.

Ibi byabaye kuri uyu wa gatatu tariki ya 16 Werurwe 2016, mu nama yahuje abanyamadini, abafite inganda z’icyayi na kawa, abahagarariye amabanki n’abayobozi b’Imirenge.

Ubuyobozi bw’Akarere bwasabye abafatanyabikorwa kugira uruhare mu iterambere bagabira inka abaturage bakennye

Umuyobozi w’Akarere ka Nyamasheke, Kamali Aime Fabien, yavuze ko inka ishobora kuzamura iterambere ry’umuturage akiteza imbere kandi ikazahura umubano n’abaturanyi, biturutse mu kugabirana, akaba ari yo mpamvu abafatanyabikorwa bakwiye gufasha mu kurwanya ubukene no kubafasha kugira ubuzima bwiza.

Yagize ati “Twahisemo kwishakamo ibisubizo, dusaba ko abafaratanyabikorwa bahura n’abantu benshi bagira uruhare mu kubafasha kwiteza imbere, inka itanga ifumbire umuturage agahinga akeza, bakanywa amata bakaboneza imirire, bagurisha amata bakiteza imbere kandi bikazahura imibanire yabo iyo bagabirana”.

Abafatanyabikorwa barasabwa kubafasha gukura abaturage mu bukene

Abafatanyabikorwa barasabwa kubafasha gukura abaturage mu bukene

Abafatanyabikorwa bavuga ko bikwiye ko bungurana ibitekerezo n’abayobozi b’akarere ku bikorwa nk’ibi bizafasha abaturage kwivana mu bukene, bagahuriza hamwe imbaraga, bakamenya ahagifite ingufu nke n’ahakanewe kongerwamo imbaraga, bityo bagafatanyiza hamwe bagahigura imihigo y’Akarere.

Pasiteri Surwanone Viateur uyobora Paruwasi ya Ntendezi mu itorero rya Anglican, agira ati “Kutwegera gutya bituma buri wese agira icyo akora mu mihigo iba yahizwe n’akarere, turizera ko hari icyo tuzakora kugira ngo abaturage bacu babone inka kandi biteze imbere, kuko haburaga ko twicara hamwe ngo turebe icyakorwa”.

Kuri uyu munsi abafatanyabikorwa b’Akarere bishatsemo inka zigera kuri 30, bakazaziha abakennye kurusha abandi.

Akarere ka Nyamasheke kamaze gutanga inka zisaga ibihumbi 11 na 500 muri gahunda ya Girinka, mu gihe biteganyijwe ko ibihumbi 17 bazaba bamaze guhabwa inka muri iyi gahunda mu mwaka wa 2017.

Gakenke: Urubyiruko ruhangayikishijwe n’ubushomeri burwugarije

Urubyiruko rwo mu karere ka Gakenke ruratangaza ko ruhangayikishijwe cyane n’ikibazo cy’ubushomeri rwugarijwe nabwo kuko bwababereye inzitizi yo kwiteza imbere.

Urubyiruko rusaba kwigishwa uko rwakwihangira imirimo

Urubyiruko rusaba kwigishwa uko rwakwihangira imirimo

Abasore n’inkumi bo mu karere ka Gakenke bavuga ko ubushomeri babona buterwa nuko imirimo yagabanutse yaba mu nzego za leta cyangwa se no kuruhande rw’abikorera kuburyo n’abagerageje kwihangira umurimo batoroherwa no kubona igishoro kuburyo n’abagerageje kwaka inguzanyo batayibona kubera kutizerwa kuko nta ngwate baba bafite.

Gakenke: Urubyiruko ruhangayikishijwe n’ubushomeri burwugarije

Abihangira imirimo nabo ngo ntiborohewe n’igishoro

Bimwe mubyo urubyiruko rusaba nuko ubuyobozi bwabafasha bukabahuza n’ibigo by’imari bakajya bahabwa inguzanyo biboroheye ubundi hakarebwa n’uburyo ibigo byigisha ubumenyi ngiro byakwiyongera kugirango bajye barangiza bazi imyuga yabafasha kwibeshaho.

Gasasira Gilbert wo murenge wa Gakenke n’umusore uri mukigero cy’imyaka 25, avuga ko ikibazo cy’ubushomeri mu rubyiruko kiri kurwego rwo hejuru ugereranyije n’utundi turere kuko ari abize n’abatarize bahura nubwo bushomeri.

Ati “nk’urubyiruko ruba rushaka kwihangira umurimo ariko ikibazo kigorana cyane kubona amafaranga y’igishoro biragorana, usanga nta mafaranga akunze kuboneka muma banki yegereye abaturage ugasanga bicya intege urubyiruko. Icyo twasaba ubuyobozi nuko bashira imbaraga cyane mu kwiga ubumenyi ngiro, na BDF ikongererwa ingufu cyane kuburyo umuntu yajya abona inguzanyo adatanze ingwate”.

Mbonimpa Martin ati “ikibazo cy’ubushomeri n’ikibazo gikomeye, nje ikintu mbona bakagombye gukora nk’umuyobozi ushinzwe ubukungu nabonye bashiraho imisoro bagendeye kuri santere ntabwo bareba kuri capital umuntu afite, aho ngaho barebye bakavuga ngo umuntu ufite capital y’amafaranga mace aragira umusoro we icyo bagikoze cyafasha”

Umuyobozi w’akarere ka Gakenke Nzamwita Deogratias avuga ko mubyo bagomba gushiramo imbaraga muri manda yabo harimo gufasha urubyiruko muburyo bwo kubahuza n’ibigo by’imari bagahabwa inguzanyo kuburyo bworoshe.

Ati “dufite urubyiruko rwinshi ubona rufite ubushake n’ingufu tugiye kwegera yaba BDF yaba amabanki tukabegera kuburyo babagirira icyizere bakabafasha nabo mudushinga bakora bagashobora kwitezimbere niyo bahera kuri bice ariko bageraho bakabona byinshi”.

Ubuyobozi bw’akarere ka Gakenke kandi buvuga ko bugiye gushakira urubyiruko aho ruzajya rwidagadurira ndetse no kwishimisha.

Nyamagabe: Guhugura abaturage bizongera imirimo idaturuka ku buhinzi

Abahuguriwe gukora ubucuruzi buciriritse

Abahuguriwe gukora ubucuruzi buciriritse

 Nyuma yo guhugura abaturage kuba ba rwiyemezamirimo b’umwuga, akarere kizeye ko intego igihugu cyihaye yo kongera imirimo itari ubuhinzi iziyongera.

Mu rwego rwo kongera umubare w’abadatunzwe n’ubuhinzi gusa, Global communities ku bufatanye n’akarere mu mushinga EJO HEZA, kuri uyu wa 24 Gashyantare 2016, hatanzwe impamyabushobozi ku baturage ibihumbi 2 bahuguriwe kuba ba rwiyemezamirimo b’umwuga.

Bamwe mu baturage batangaza ko nyuma yahoo bahuguriwe kuba ba rwiyemezamirimo b’umwuga byabateje imbere.

Abaturage bagera kuri 2000 bafite ubucuruzi buciriritse

Abaturage bagera kuri 2000 bafite ubucuruzi buciriritse

Vestine Muhimpundu, aturuka mu murenge wa Cyanika, akagari ka Karama atangaza ko mbere yacuruzaga yirira atazi ibyo yacuruze n’ibyo yungutse ariko ubu abasha kubimenya amaze kwiteza imbere akaba yarubatse inzu acururizamo akabona na mituweli y’umuryango we.

Yagize ati “Nasanze hari amakosa najyaga nkora, ntabwo nagiraga igitabo nandikamo ibyo naranguye n’ibyo nacuruje, ariko ubu ngubu bakimara kuduhugura nashatse igitabo nkandikamo ibyo naranguye n’ibyo nacuruje nashaka no kurya simbivane mu byo ncuruza.”

Zefuroni Bizumuremyi watangiye gukora ubucuruzi bw’amata ahereye ku mafaranga 1,600 akaba ageze ku Gishoro cy’ibihumbi 400, atangaza ko nyuma y’uko ahuguwe byatumye atinyuka akorana n’ibigo by’imari.

Yagize ati “Guhugurwa byanteye gutinyuka nkorana n’ibigo by’imari mbona igishoro gihagije, kuko mbere nakoraga urugendo mvunika nkakura amata mu cyaro nyazana hano mu mugi, ubu nkodesha hano mu mujyi, nkoresha abakozi batandatu uhembwa make ni ibihumbi  20.”

Umuyobozi w’ishami rishinzwe iterambere ry’ishoramari no guteza imbere umurimo mu karere, Constantin Nzabirinda atangaza ko ibi bizafasha kugira abaturage badatunzwe n’ubuhinzi gusa.

Yagize ati “Iyo ushingiye muri EDPRS ya 2, mu rwego rwo guhanga imirimo idashingiye ku buhinzi, urabizi ko dufite intego yo guhanga nibura imirimo ibihumbi 200, aba ngaba rero ibyo bagiye gushyira mu bikorwa ni imirimo idashingiye kuri bwa buhinzi.”

Iyi gahunda yo guhugura abaturage ikaba irimo iganisha mu cyerekezo kigari cy’igihugu cyo kugira abaturage batadunzwe n’ubuhinzi. Abahuguwe bakaba bitezweho umusaruro kandi bakigisha n’abagenzi babo.

 

Gakenke: Urubyiruko rwiteze byinshi ku gakiriro

Gakenke: Urubyiruko rwiteze byinshi ku gakiriro

Inyubako z’agakiriro

Urubyiruko rwo mu karere ka Gakenke ruratangaza ko rwiteze byinshi birimo ubumenyi mu buryo bwo kwitezimbere mu gihe agakiriro kazaba gatangiye gukorerwamo.

Baratangaza ibi mugihe agaciriro kari kamaze imyaka ibiri kubakwa imirimo yo ku kubaka igeze ku musozo kuburyo mu mezi ya vuba kaba gatangiye gukorerwamo, kanigirwamo imyuga itandukanye irimo ububaji, ubudozi hamwe n’ubukorikori butandukanye.

Ubusanzwe ngo urubyiruko rwo mu karere ka Gakenke ntirukunze kworoherwa no kubona aho bigira imyuga, kuko ubishatse akenshi bimusaba kujya mu kandi karere kuburyo abenshi bahitamo kubireka bakiberaho muri ubwo buzima. Ariko ngo mugihe kano gaciriro kuzuye mu murenge wa Gakenke kazaba gatangiye gukora hari byinshi bakitezeho.

Gakenke: Urubyiruko rwiteze byinshi ku gakiriro

Inyubako z’agakiriro

Mukamusana Silvanie wo mu murenge wa Gakenke, avuga ko urubyiruko rutorohewe n’ubuzima kuko abenshi nta kazi bagira bigatuma birirwa bizerera kubera kubura icyo bakora, ariko ngo mugihe agaciriro gatangiye gukora hari byinshi kazabafasha mu kwitezimbere.

Gakenke: Urubyiruko rwiteze byinshi ku gakiriro

Inyubako z’agakiriro

Ati “jyewe ku giti cyanjye kaje kuzangirira akamaro kuko nzigamo, ubundi nari umuhinzi ariko ubwo wenda nzarebamo umwuga nigamo ubundi uzanteze imbere mugihe kizaza kuburyo bizangirira akamaro kanini kuko hari igihe nirirwaga niyicariye ariko ubwo nzagenda nkore mbone amafaranga n’itezimbere mu buzima bwanjye bwa buri munsi kwirirwa nerera mbishire hasi”.

Ndatimana Jean Damascene wo mu murenge wa Gashenyi Ati “nakwigira ubukanishi kuburyo buzamfasha kubona uruhusha rwo gutwara (Permit) naramuka nguze na moto yanjye nkaba nayikanikira, aka gaciriro kakaba kazagirira urubyiruko akamaro keretse nyine nk’abantu bigize imbobo nibo katagira icyo kamarira naho abandi bazi ubwenge bose kazagira icyo kabamarira”.

Umuyobozi w’agateganyo w’akarere ka Gakenke Kansiime James, asobanura ko agaciriro kubatswe kugirango abantu bareke gukorera mu kajagari kandi bizanafashe urubyiruko kugira ubumenyi.

Ati “harimo n’urubyiruko ruzaba ruhugurwa kugirango rurusheho kugira ubumenyi mu gukora iriya myuga baba barahuguwe mu mashuri no mu mashuri y’imyuga”.

Biteganyijwe ko agakiriro kazakorerwamo mu kwezi kwa gatanu kakaba karuzuye gatwaye amafaranga yu Rwanda miriyoni 241.

Abacuruzi ntibavuga rumwe n’ubuyobozi mu gukoresha iminzani y’imiziranenge

m_3a

Umunzani utemewe

 m_3b

Umunzani wemewe

Abacururiza mu isoko rya Byumba baravuga ko ubushobozi bucye bafite butabemera kugura iminzani yuzuje  ubuziranenge, nyuma yo kubisabwa n’ubuyobozi bw’akarere.

Mukamugema Pauline avuga ko ibicuruzwa bye bitageze mu gaciro k’amafaranga ibihumbi 50 akaba atabasha kubona ibihumbi bigera muri 60 byo kugura uwo munzani.

Gusa asanga ubuyobozi bwari bukwiye gushishoza bakarea n’ingano y’ibyo umuntu acuruza.

Ati “nkubuse ko ntakintu na kimwe nakuraho ubushobozi bwo kugura uwo mu nzani wujuje ubuziranenge”.

Kimwe na bagenzi be bacuruza imbuto n’ibiribwa bavuga ko byibura umunzani umwe warukwiye guteranyirizwa n’abantu 3 begeranye bakajya bawukoresha bombi.

Iki cyifuzo usanga bagihuriyeho bose kuko bagaragaza ubushobozi bucye bwabo butatuma umucuruzi umwe awugura.

Uwineza diane we avuga ko ikintu kibabangamiye cyane ari uburyo ubuybozi buza bugahita butwara iyo minzani itujuje ubuziranenge batanaje no kubiganiraho ngo bamenye impamvu yabyo.

Kuri iki kibazo ariko ubuyobozi bw’akarere ka Gicumbi bwo buvuga ko bitemewe gucuruza ukoresha umunzani utujuje ubuziranenge kuko byagaragaye ko abacuruzi bamwe biba abaguzi babo igihe bakoresheje iminzani y’inshinge nk’uko umuyobozi w’akarere ka Gicumbi wungirije ushinzwe ubukungu Kagenzi Stanislas abitangaza.

Aha avuga ko ikibazo gikomeye ari uko abacuruzi batabuze ubushobozi bwokugura iminzani y’imiziranenge ahubwo abenshi banga kuyikoresha kubera inyungu zabo bwite zo gushaka kwiba abaguzi babo.

Kagenzi avuga ko kuri iki kibazo bafashe icyemezo  cyo kujya bajya mu isko bakayibambura ndetse bakabahana.

Asanga iriya minzani y’inshinge nibaramuka batayiretse burundu nta gukorera mu mucyo bizaba birimo dore ko abenshi usanga nta muzima urimo muyo bakoresha.

Ati “ twaashe icyemezo ko uwo tuzajya tuwusangana tuzajya tuwutwara ndetse tukanamuhana kugirango babicikeho burundu.”

Asanga ubu buryo ubuyobozi bwihaye buzaca buundu ubujura bukorwa n’abacuruzi bwo gutanga ibintu bituzuye.

 

Kinazi: Bazakorana na Eden Business Center ngo biteze imbere

Dr. Rekeraho  yigisha abanyakinazi

Dr. Rekeraho  yigisha abanyakinazi

Abaturage bo mu Murenge wa Kinazi ho mu Karere ka Huye biyemeje kuzajya bakorana n’ikigo Eden Business Center, ngo biteze imbere.

Abanyakinazi bakurikiye inyigisho

Abanyakinazi bakurikiye inyigisho

Iki cyemezo bagifashe nyuma y’inyigisho ku bitera ubukene n’inzira yo kubuvamo bagiriwe na Dr. Emmanuel Rekeraho, ari we nyiri icyo kigo. Izi nyigisho bazigiriwe ku butumire bw’umunyamabanga nshingwabikorwa w’uyu murenge, tariki 6/1/2016.

Ubwo yabaganirizaga, Dr. Rekeraho yaberetse ko ikintu cya mbere gitera ubukene ari ukudakora, ahubwo umuntu agahora ategeye amaboko abifite ngo bamuhe.

Yagize ati “ubukene ni uguhora wifuza uti icyampa. Wabona abantu batambutse uti ‘buriya bampaye?’, wabona abazungu uti ‘bazampa’, ugashinga koperative wizeye kuzahabwa.”

Abakene kandi ngo bata igihe cyabo mu magambo, bavuga inkuru za mvahe na njyahe,  ugasanga bicaye ku muhanda ntacyo bakora nyamara hari imirimo basuzugura, ku buryo baramutse bayikoze yabateza imbere.

Ngo ikimenyetso cy’uko umuntu yatangiye kuva mu bukene rero, ni ukuba ahugiye mu mirimo imuha amafaranga.

Ati “ikintu cya mbere kizakubwira ko winjiye mu nzira njyabukire, ni ukubura umwanya. Bakubwira ngo ibunaka hari ubukwe, ukabura umwanya wo kujyayo. Ariko niba umuntu akubwiye ati ‘ko ndeba akazi nari mfite nkarangije uwaza tukaba twiganirira?’ uti ‘nanjye n’ubundi nta cyo nakoraga ngwino’. Uri mu cyobo njya bukene.”

Dr. Rekeraho yashishikarije abanyakinazi kuzabagana bakabigisha ibijyanye n’ubworozi bw’inkoko ndetse n’uko bahinga mu binogo biri ku butaka butoya, imbuto zimwe na zimwe zitanga amafaranga menshi, bityo bakazabasha kuba abakire.

Batashye bafashe icyemezo cyo gukorana na Eden Business Center. Emmanuel Sindayigaya yagize ati “inyigisho duhawe zinyunguye mu bwonko. Rwose guhinga mu byobo no korora inkoko sinzasigara inyuma.”

Abanyakinazi bari bitabiriye izi nyigisho ni abakozi b’umurenge n’ab’utugari ndetse n’abakuru b’imidugudu, abahagarariye amakoperative, n’urubyiruko rwarangije kwiga rutarabona akazi.

Ngoma youths challenged to create jobs

Youth are called upon to embrace job creation

Youth are called upon to embrace job creation

Private sector federation in Ngoma district revealed that many youth have not embraced job creation, a program that aims at reducing unemployment rate and create off-farm jobs.

This comes after job creation program was included in the school curriculum and youth trainings are organized more often to reduce unemployment.

An estimated 125,000 youths join the job market annually but according to the 2012 population census, only 104,000 are created every year.

On the side of youth, some highlighted that they fear getting bank loans and incurring loss, adding that continuous training help them get rid of fear.

Divine Muzabibu, University student at INATEK-Kibungo asserted that job creation lessons at school did not help her, adding that attending many trainings made her fearless to start a project.

“After many trainings, I got the courage to start up my own company instead searching for a job,” she added

Pacifique Uwineza; in charge of young entrepreneurs at Private Sector Federation Rwanda said that they are not discouraged by the fact that some youth do not create own jobs.

“When you train people, not all of them put into practice what they learnt. However, a few of them start up projects and we will be following up on them to ensure fast development,” added Uwineza.

Uwineza blamed the low turn up of youth on failure to follow up on the few youth that could set up projects, thus suffer financial loss.

“We have changed the strategy. We will be working with National Youth Council to train youth and follow up on the projects they start,” he explained.

Youth fear creating jobs and suffer loss and continuous training is one of the ways to help them gather confidence and start up.

Youths account for 4.4 million of the total population in the country that boasts 11 million people.

Follow

Get every new post delivered to your Inbox

Join other followers